5-11 anyos iprayoridad bakunahan para sa face to face classes
MANILA, Philippines — Iprayoridad ang pagbabakuna kontra COVID-19 sa mga bata na may edad 5-11 bago payagan ang face-to-face (F2F) classes.
Ito ang apela ni San Jose del Monte City Rep. Florida “Rida” Robes sa Inter-Agency Task Force (IATF) dahil kung ang F2F classes sa mga college level ay limitado lamang sa mga fully vaccinated na mga estudyante ay dapat ring magkaroon ng kahalintulad na proteksyon ang mga bata na nasa kinder at elementary schools.
“Ako po ay isang ina at alam ko ang damdamin sa ating mga anak kapag sila ay pumapasok sa eskwela lalo na ngayong panahon na ito na may naka-ambang virus na maaaring nilang makuha sa kanilang pagpasok. Ang mga may pilot run ng face-to-face classes ay mga bata na nasa 5 to 11 age group na hindi pa nabakunahan dahil wala pang bakuna na pinapayagan sa kanilang edad,” anang lady solon.
Sa kasalukuyan, ayon pa kay Robes ay wala pang mga vaccine manufacturer ang nakakapagsumite ng Emergency Use Application (EUA) para sa mga batang 5 hanggang 11 anyos.
- Latest