10 timbog sa P2.4 milyong shabu
MANILA, Philippines — Nadakip ng mga tauhan ng PNP-Drug Enforcement Group (PDEG) at iba pang units ng pulisya ang sampung pinaniniwalaang drug traffickers kung saan nasamsam sa mga ito ang mahigit sa P2.4 milyong halaga ng droga sa buy-bust operation sa Cainta, Rizal nitong Sabado ng umaga.
Sa report ng PNP-DEG, kinilala ang mga nasakoteng drug pushers na sina Marco Angelo Zarate, Twixx Leyson, Angelito “Junjun” Reyes, Dennis Reyes, Christian “Sam” Evangelista, Victor Dax Jose, Roderick “Dosong” Rendal, Janeth Salasibar, Marry Lou Cruz at Allan Garol.
Nakumpiskahan sa kanila ang nasa 300 gramo ng shabu na tinatayang nagkakahalaga ng P2.4 milyon.
Hindi na nakapalag ang mga suspect matapos mabulaga sa nasabing operasyon. Bago ito ay nagsagawa ng masusing surveillance operation ang pulisya matapos na makatanggap ng impormasyon patungkol sa ilegal na aktibidades ng mga suspect.
Nahaharap ngayon ang mga suspect sa kasong paglabag sa Comprehensive Dangerous Drugs Act of 2002 ang mga nasakoteng suspect.
- Latest