PDP-Laban Cusi faction mag-a-adopt ng presidential bet sa pag-atras ni Go
MANILA, Philippines — Inihayag ni acting presidential spokesman at Cabinet Secretary Karlo Nograles, na maaaring mag-adopt ang ruling party PDP-Laban na pinapangunahan ni Energy Secretary Alfonso Cusi ng bagong kandidato para sa 2022 polls.
Ito ang tugon ni Nograles sa query sa susunod na hakbang para sa partido sa pag-atras ni presidential bet Senator Bong Go ng Pederalismo ng Dugong Dakilang Samahan (PDDS) party.
“Wala nang substitution. Technically speaking, ang option namin is to adopt,” saad ni Nograles
“PDP-Laban will have a series of meetings on this, so let us wait for the party’s decision.”
Maaalalang inanunsyo ni Go na hindi na niya itutuloy ang kanyang 2022 presidential bid dahil sa hindi rin pabor ang pamilya niya rito.
Sinabi rin ni Cusi na susundin ang proseso at kokonsultahin ang kanilang mga miyembro at mga nasasakupan bago magpalabas ng desisyon.
Tumanggi si Karlo Nograles na kumpirmahin kung susuportahan ng PDP-Laban ang tambalan nina Marcos at Duterte-Carpio.
- Latest
