Kuya dinedo ng bunso dahil sa ayuda
MANILA, Philippines — Idineklarang dead-on-arrival sa pagamutan ang isang 43-anyos na lalaki nang siya ay saksakin ng kanyang bunsong kapatid matapos magtalo sa ayuda, naganap, kamakalawa sa bayan ng Allacapan sa Cagayan.
Kinilala ng pulisya ang nasawi na si Ador Castro, magsasaka habang ang suspek na kapatid nito na sumuko sa pulisya ay nakilalang si Jefferson Castro, 18, kapwa residente ng Barangay Dalayap sa nasabing bayan.
Lumalabas sa imbestigasyon ng pulisya na pinagsabihan umano ang biktima ng kanyang ama na mali ang kanyang paggastos sa natanggap na ayuda na binibili nito ng alak na naging dahilan naman ng kanilang pagtatalo.
Dito na namagitan ang suspek at iba pang kamag-anak hanggang sa ang dalawang magkapatid ang nag-away na humantong naman sa pananaksak.
Depensa ng suspek sa pulisya, may hawak umanong itak ang kanyang kuya na unang umatake kung kaya’t nasaksak niya ito gamit ang isang kitchen knife.
- Latest