Pinas low-risk na sa COVID-19 - DOH
MANILA, Philippines — Itinuturing na lamang na nasa low-risk classification sa COVID-19 ang Pilipinas dahil sa malaki at patuloy na pagbaba ng mga kaso sa nakalipas na dalawang linggo.
Ito ang iniulat kahapon ni Department of Health (DOH) Undersecretary Maria Rosario Vergeire, lahat ng rehiyon sa bansa ay nakakapagtala na lamang ng moderate-risk at low-risk classification.
“Nationally, we are at low-risk case classification with a negative two-week growth rate at -48% and a moderate-risk average daily attack rate at 5.89 cases per every 100,000 individuals,” ayon kay Vergeire.
Sa datos pa ng DOH, bumabagal ang bed utilization rate na 41.15%, mechanical ventilator utilization rate na nasa 37.65%, at ICU utilization rate na naitala sa 53.15%.
Gayunman, mayroon pa ring anim na rehiyon na mayroong high-risk ADAR at ito ay ang Cagayan Valley na may 18.53, Zamboanga Peninsula na may 8.02,Cordillera Administrative Region na may 27.30, MIMAROPA na may 7.09, Ilocos Region na may 7.18, at National Capital Region na may 8.56.
Nasa high-risk pa rin ang ICU utilization rates sa Cagayan Valley (88.57%), Bicol Region (71.43%), at Zamboanga Peninsula (71.23%).
Sa National Capital Region (NCR), mayroon na lamang itong ADAR na 8.56 per 100,000 population mula sa dating 18.30 at nasa ‘moderate risk classification’.
- Latest
