3 tulak tiklo sa P124K shabu
MANILA, Philippines — Tatlong drug suspect ang naaresto ng mga otoridad sa magkahiwalay na drug operation sa Pasay at Makati City Police kamakalawa ng gabi.
Sa ulat ng Pasay City Police, dakong alas-9:30 nang magkasa ang Drug Enforcement Unit sa may No. 154-F Humilidad St., Brgy. 14, Zone 1, Pasay City, na nagresulta sa pagkaaresto nina John Joseph Servo,, alyas Bro Jay, 37; at si Odessa Tiposo, alyas Bunig, 31, kapwa nakatala sa Drug Watchlist ng Pasay City Police na kung saan ay nakumpiska ang 14 na plastic sachet na may lamang 8.03 gramo ng hinihinalang shabu at may halagang P56,440.
Dakong alas-8:15 ng gabi naman nang ikasa ng Makati City Police-Drug Enforcement Unit ang buy-bust operation sa may Adalia Street sa Brgy. Guadalupe na nagresulta sa pagkakaaresto sa suspek na si Augustine Caole, 56 at nakumpiska ang 44 na plastic sachet na naglalaman ng 10 gramo ng shabu at may halagang P68,000 habang narekober rin ang P500 bill na ginamit na buy bust money.
- Latest
