NCR at iba pang lugar sa Luzon ginising ng 5.7 magnitude na lindol
MANILA, Philippines — Inuga ng 5.7 magnitude na lindol ang Occidental Mindoro, kahapon ng madaling araw kung saan maraming mga residente sa Metro Manila at iba pang lugar sa Luzon ang nagising matapos maramdaman din dito ang malakas na lindol.
Sa datos ng Philippine Institute of Volcanology and Seismology (PHIVOLCS), bandang ala-1:00 ng madaling araw naganap ang lindol na tectonic ang origin ng pagyanig na naitala ang episentro nito sa layong 18 kilometers northeast ng Looc, Occidental Mindoro sa lalim na 76 kilometers.
Naramdaman ang lindol kabilang na ang lakas nito sa mga sumusunod na lugar: Intensity IV sa Calatagan, Lian, Lipa City, Malvar and Nasugbu, Batangas; Malolos City and Obando, Bulacan;Cavite City, General Trias, Naic, Amadeo, Bacoor City, Dasmariñas City, Tagaytay City at Tanza, Cavite; Biñan, Cabuyao, Laguna; Las Piñas City; Malabon City; Mandaluyong City; City of Manila; Marikina City; Muntinlupa City; Parañaque City; San Juan City; Taguig City; Pateros, Metro Manila; Abra De Ilog, Looc, Lubang and Mamburao, Occidental Mindoro; Baco, Naujan and Puerto Galera, Oriental Mindoro; San Mateo at Taytay, Rizal.
Intensity III naman sa Santo Tomas, Batangas; Makati City, Pasay City, Pasig City, Quezon City; Valenzuela City; Santa Cruz, Occidental Mindoro; Antipolo City; Socorro, Oriental Mindoro; Intensity II sa Los Baños, Laguna; Palayan City, Nueva Ecija at Intensity I sa Arayat, Pampanga.
Matapos ang lindol ay yumanig muli ang 4.5 magnitude na aftershock sa layong 19 kilometers northeast ng Looc bandang 1:40 ng madaling araw.
- Latest