4 pusher timbog sa higit P3 milyong droga
MANILA, Philippines — Naaresto ng mga otoridad ang apat na drug pusher sa magkahiwalay na buy-bust operation sa Quezon City at Navotas City, kamakalawa ng gabi.
Sa Quezon City nadakip ang dalawang suspek na sina John Noel De Vera, alyas Wang, 19, binata, at Rhay Van Lumanog, alyas Van, 20, binata, ng Brgy. Bahay Toro.
Sa ulat, alas-11:15 ng gabi nang ikasa ang drug operation sa harap ng Congressman Reynaldo A. Calalay Memorial Elementary School (CRACMES) na matatagpuan sa F. Bautista St., Brgy. Damayan, Quezon City at dito na dinakma ang dalawang suspek at nakumpiska ang 22 piraso na plastic sachet na naglalaman ng 150 gramo ng shabu na nagkakahalaga ng P1,020,0000, dalawang zip lock plastic na may laman na 1 kilo ng marijuana na may halagang P120,000 at buy-bust money.
Nasabat naman ng Navotas City Police ang nasa P2.4 milyong halaga ng marijuana sa dalawang ‘tulak’ sa buy-bust operation, alas-9:20 ng gabi.
Kinilala ang mga suspek na sina Ali James Erese alyas “Ali”, 20 ng 99 4E Hermosa St., Brgy. 200, Manila; at Joseph Raven Cotejo, 22, ng Sitio Wawa 3, Brgy. Salinas, Rosario, Cavite. - Doris Franche
- Latest