Kaso ng COVID-19 sa Metro Manila posibleng bumaba sa 2K kada araw sa Oktubre
MANILA, Philippines — Posibleng abutin na lamang ng 2,000 kada araw ang kaso ng COVID-19 sa Metro Manila sa susunod na buwan.
Ito ang pagtataya ng OCTA Research Group bunga na rin ng trend ng pagbaba ng kaso ng virus sa Metro Manila.
Ayon sa grupo, bagama’t maikokonsiderang nasa high risk pa rin ang Kalakhang Maynila patuloy naman ang may baba ng arawang kaso ng virus.
Tinataya din ng grupo na hanggang sa katapusan ng Setyembre ay aabot na lamang sa 4,000 ang arawang kaso sa Metro Manila.
Sa latest monitoring ng grupo, bumaba sa 5,136 ang average na arawang COVID-19 cases sa Metro Manila noong Setyembre 14 hanggang 19 na nagpapakita na mas mababa ito ng 13 percent sa arawang kaso ng Covid -19 na 5,916 noong Setyembre 6 hanggang September 12 sa rehiyon.
Bumaba rin ang reproduction number sa NCR na pumalo sa 1.14 mula sa 1.37 noong nagdaang linggo at nagkaroon din ng pagbaba ng may 23 percent mula sa 25 percent ang 7 day positivity rate sa NCR.
Muling nilinaw ng OCTA na naabot na ang peak ng COVID-19 sa Metro Manila dahil nagkakaroon na umano ngayon ng indikasyon ng pagbaba ng kaso sa virus.
- Latest