Pacquiao tatakbong presidente sa 2022

MANILA, Philippines — Tinanggap na ni Senador Manny Pacquiao ang nominasyon ng Partido Demokratiko Pilipino – Lakas ng Bayan (PDP-Laban) na tumakbo sa pagka-pangulo sa halalan 2022.

Nagkaisa ang miyembro ng PDP-Laban Pacquiao faction kasama na ang mga regional representatives ng partido sa kanilang national assembly na isinagawa kahapon.

“Exciting ito dahil malaki ang posibilidad na mananalo tayo sa darating na halalan at ang tunay na PDP-Laban and magpapatakbo ng gobyerno,” pahayag ni Senador Aquilino Pimentel III, chairman ng partido, sa kanyang opening remarks.

Matatandaang naging matagumpay ang senatorial race ni Pacquiao noong Halalan 2016.

Kamakailan ay naging maugong ang pangalan ng senador na posibleng tumakbo bilang presidente sa susunod na halalan, na ngayon ay pormal na ngang inanunsyo sa publiko.