57 lugar sa Metro Manila inilagay sa granular lockdown

MANILA, Philippines — Nasa 57 lugar sa Metro Manila ang nasa ilalim ng granular lockdown.

Ito ang sinabi ni DILG Undersecretary Jonathan Malaya, batay sa naiulat sa tanggapan ng NCR Police Office, isang araw matapos maisailalim sa alert status 4 ang Metro Manila.

Hindi naman pina­ngalanan ni Malaya ang mga lugar sa Metro Manila na nasa granular lockdown na nasa kritikal na kondis­yon hinggil sa aktibong hawaan ng COVID-19.

Niliwanag din nito na ang bawat LGUs sa MM ang bahalang magpatupad ng kaukulang babala at sistema sa kanilang lokalidad na sa kasalukuyan ay maganda ang resulta ng pagpapatupad ng Alert level 4.