91% ng probinsya, siyudad sa Pinas ‘high risk’ sa COVID-19

MANILA, Philippines — Inihayag ni Health Secretary Francisco Duque III na itinuturing pa ring high risk sa COVID-19 ang 91 porsyento ng mga probinsya at siyudad sa Pilipinas.

Sa nasabing bilang, 82 porsyento rito ang may mataas na health care utilization at intensive care utilization rate pagdating sa mga COVID-19 patients.

Ang fatality rate naman o antas ng mga nasasawi sa mga matatanda dahil sa COVID ay nanatiling mataas.

Higit na mababa ito sa 0.30% fatality rate para naman sa mga nasa edad 49-taong gulang hanggang isang taong gulang.

“Kaya idinidiin po natin na sa bakunahan, ang lagi po nating bibigyang prayoridad ay ang mga A2 or the senior citizens,” ayon kay Duque.

Nitong Setyembre 7, nasa apat na milyon nang senior citizen ang nabakunahan habang 3.42 milyon ang kumpleto na ng doses.

Ayon naman sa World Health Organization (WHO) na nasa 3.6 milyong senior citizen pa sa bansa ang hindi nakatatanggap ng kahit isang dosage ng bakuna.