Navarro maglalaro sa Korean League
MANILA, Philippines — Isa na namang collegiate star at Gilas Pilipinas member ang nabingwit ng isang Korean team.
Kinuha ng Seoul Samsung Thunders si dating Ateneo Blue Eagles’ star forward Will Navarro para sa pagsalang sa darating na Korean Basketball League (KBL) season.
Ang 6-foot-6 na si Navarro ang pinakabagong Pinoy cager na maglalaro sa KBL sa ilalim ng Asian Player Quota program.
Nauna nang pumirma sa KBL sina SJ Belangel (Daegu KOGAS Pegasus), RJ Abarrientos (Ulsan Mobis Phoebus), Justin Gutang (Changwon LG Sakers) at Ethan Alvano (Wonju DB Promy).
Tatlong UAAP championships ang nakuha ni Navarro para sa Blue Eagles at nahugot ng NorthPort Batang Pier sa special Gilas Pilipinas round ng nakaraang PBA Season 46 Rookie Draft.
Tutulungan ng 25-anyos na si Navarro ang Samsung team na tumapos na may 9-45 record sa nakalipas na KBL season.
Tatapusin muna ni Navarro ang pagkampanya sa Gilas Pilipinas sa 2022 FIBA Asia Cup sa Indonesia.
Kumamada si Navarro ng mga averages na 4.8 points at 2.3 rebounds para sa Gilas sa third window ng FIBA World Cup Asian qualifiers at nagtala ng 7.3 points at 5.6 boards per game sa UAAP Season 82.
- Latest
