Lomibao-Beltran Rapid Open
Nakalatag na ang lahat para sa Woman Fide Master Sheerie Joy Lomibao-Beltran Rapid Open Chess Championship sa Linggo sa Open Kitchen, Rockwell Business Center sa Mandaluyong.
Lumipad ang aking sister-in-law (kasama ang buong pamilya) mula Edmonton, Canada upang personal na masaksihan at lahukan ang isa sa mga strongest chess tournaments na maihahatid sa bansa sa nagdaang ilang panahon.
Kasama sina GM Joey Antonio, GM Darwin Laylo, IM Daniel Quizon, IM Jan Emmanuel Garcia, IM Ricardo de Guzman, IM Angelo Young, IM Barlo Nadera, IM Chito Garma at IM Ronald Dableo sa mga matitikas na magbabanggaan.
Malakas, malawak at masayang field ang nabuo ni chief organizer NM Marlon Bernardino dahil ito rin ay nagtatampok ng separate categories para sa PWDs, Kiddies, Juniors, Seniors, Non-Masters at Executives.
Matagal-tagal na rin hindi naka-compete sa bansa si Lomibao-Beltran simula mag-migrate sa Canada. Dati siyang National Open women’s champion na beterano ng Chess Olympics at SEA Games.
***
Magaganap ang Lomibao-Beltran Rapid Open sa kasagsagan ng Asean Football Federation Women’s Championship na nagtatampok sa World Cup-bound Philippine team kasama ang regular na kalaban sa region at ang Australia U-23.
Magandang tournament at training ground ito para sa Filipinas na naghahanda sa kanilang historic first stint sa World Cup next year na ihahatid ng Australia at New Zealand bilang co-hosts.
Mula Asia, kasama ng Pinas ang Vietnam na magde-debut sa women’s football showpiece.
Major breakthrough sa Philippine football at Philippine sports in general ang pag-qualify sa ninth edition ng FIFA Women’s World Cup, kasama ang ilan pang qualified teams sa 32-team field.
- Latest
