Drawing of lots para sa EASL ngayon

MANILA, Philippines — Matutukoy na ngayon ang grupong kabibilangan ng PBA teams sa official draw ng makasaysayang East Asia Super League tampok ang iba pang de-ka­­libreng mga liga sa kontinente.

Aarangkada ang bunu­tan sa alas-2 ng hapon sa Shangri-La Fort Manila para sa walong koponan na hahatiin sa dalawang gru­po.

Pangungunahan ni EASL co-founder at CEO Matt Beyer ang sere­monya kasama si FIBA executive director for Asia at FIBA Asia secretariat CEO Hagop Khajirian pati na ang mga opisyales ng PBA, Korean Basketball League (KBL), Japan B. League, P.League+ ng Taiwan at Bay Area Dra­gons ng Greater China.

Kakatawan sa PBA si­na Commissioner Willie Marcial at PBA Board of Governors chairman Ricky Vargas ng TNT Tro­pang Giga.

Ipapadala ng PBA ang magiging top teams ng idi­naraos na 2022 Philippine Cup para sa EASL na tampok din ang tig-dalawang koponan mula sa Korea at Japan.

Lalaban para sa Korea ang Seoul SK Knights at Anyang KGC, habang ba­bandera naman sa Ja­pan ang Utsunomiya Brex.

Ma­lalaman pa lamang ang kinatawan ng Taiwan sa gi­naganap na finals se­ries sa pa­­gi­tan ng Taipei Fubon Braves at Hsinchu JKO Lioneers Bay Area Dra­gons, maglalaro ring guest team sa PBA Commissioner’s Cup, ang sasalang para sa Greater China para sa kabuuang eight-team cast ng inaugu­ral EASL.

Bago naman ang EASL draw ay magkakaro­on ng pagpupulong ang mga opisyales sa Advisory Board kasama si Barangay Ginebra governor at San Miguel sports director Alfrancis Chua bilang kinatawan ng PBA.

Sa Oktubre magsisi­mu­la ang EASL at lalarga hanggang 2023 sa ilalim ng home-and-away format tampok ang tumataginting na $1 milyong grand prize para unang kampeon.