Responsibilidad
Kaliwa’t kanan ang meeting ng mga PBA officials sa kanilang regional counterparts sa mga susunod na araw — sa sidelines ng nakatakdang East Asia Super League summit na magaganap sa bansa.
Kasado na ang magkahiwalay na meet and greet sessions ng Japanese B.League top executive at Korean league chief kay PBA Commissioner Willie Marcial.
Tumimbre rin ang Malaysia league top official sa kanyang pagdalaw kay Pareng Kume.
Ang main issue sa kanilang pagtungo sa Pinas eh, ang EASL summit na highlighted ng magaganap na drawing of lots para sa magiging groupings para sa inaugural EASL tournament na sisipa sa October.
Since nasa Pinas na, nagpa-sked na rin ng pagsilip sa mga PBA games at pakikipaghuntahan sa PBA bossing ang mga foreign league officials.
Siyempre, ang mga Pinoy fans eh, curious kung may mabuo kayang memorandum of agreement ukol sa nangyayaring pag-raid ng mga Japanese at Korean teams sa PBA at pati na sa mga Philippine collegiate leagues.
Ani Pareng Kume, walang nakalatag na specific na pag-uusapan.
At diin din ni PBA bossing na hindi nila haharangan ang opportunities ng mga players na kumita ng dolyares sa foreign leagues.
Kaya mga players, i-enjoy n’yo ang nararanasan ninyong oportunidad. Pero dapat huwag kalimutan ang kaakibat na responsibidad na dapat huwag ipahiya ang inyong sarili at ang dugong nananalaytay sa inyong mga ugat.
Make the Philippines proud!
- Latest