Host country liyamayado sa SEA Games
Bilang host country, inaasahan ang malakas na ratsada ng Vietnam sa 31st Southeast Asian Games na kasalukuyang inilalaro sa Hanoi.
Laging llamado ang host nation sa regional meet na ito dahil pinapayagan silang magpasok sa games calendar ng mga laro na kahit sila lang ang tunay na nakakaalam nito.
Allowed din ang host na magbawas ng events sa mga sports disciplines na mahina sila.
Ito ang kalakaran sa SEA Games -- bagay na sinamantala rin naman ng Pilipinas sa pagkakataon na tayo ang host country.
Nariyan ang maraming categories sa arnis na walang tatalo sa mga Pinoy experts. Idagdag pa ang kung anu-anong tiyempong tugtog sa dancesport.
Pero hindi pa rin mapupulaan ang ipinakitang dominasyon ng mga Filipino athletes sa 2019 Manila SEAG.
Sustinado ng Team Philippines ang ratsada hanggang sa kasalukuyang Hanoi SEAG.
May mga nakawalang gold medals, pero lumalaban sa taas ng medal standings ang mga Pinoy bets.
Muli, salamat sa malaking suporta ng Duterte administration sa Philippine sports.
Tingin ni Philippine Sports Commission chairman Butch Ramirez, didiretso ang magandang gulong ng Phl campaign sa 2024 Paris Olympics -- and beyond.
- Latest
