Si Obiena ang sakalam
Walang duda! Malakas talaga ang pole vaulter na si EJ Obiena.
Ipinakita niyang siya ang pinakamahusay na pole vaulter sa Southeast Asian region nang manalo ito ng gold sa kasalukuyang 31st SEA Games sa Hanoi, Vietnam.
Sumablay lang siya noong 2021 Tokyo Olympics pero promising talaga itong si EJ.
Kaya nga isa ako sa nalungkot nang nagkaproblema siya sa PATAFA tungkol sa liquidation.
Madali lang sanang nalutas ang issue na ito pero lumaki nang lumaki.
Na umabot pa sa pagkakatanggal niya sa National team.
Isa rin ako sa sobrang natuwa nang nagkasundo at naayos ang problema nina EJ at PATAFA president Philip Ella Juico.
Imagine nga naman kung mawala sa atin si EJ.
Madami pa namang umaaligid sa kanya noong kainitan ng gulo at gustong samantalahin ang isyu para makuha siya.
Ilang gold ang mawawala sa atin hindi lang sa SEA Games kundi sa Asian championships pati na rin sa mga World championships at maging sa Olympics.
World-class athlete itong si EJ.
Kapag nahasa iyan nang husto, ‘di malayong magkakaroon ulit tayo ng Olympics gold.
- Latest