PSC kailangan ang tulong ng private sector
MANILA, Philippines — Makikipag-usap ang Philippine Sports Commission (PSC) sa pribadong sektor para sa karagdagang suporta sa paglahok ng national de-legation sa 31st Southeast Asian Games sa Hanoi, Vietnam sa Mayo.
Isa na rito ang mga airline companies na magdadala sa mga national athletes sa biennial event na nakatakda sa Mayo 2-25.
“We are trying to talk to the airline companies who can give us a good deal because there are a lot of other expenses like quarantine, PCR tests and all that,” sabi kahapon ni PSC Commissioner at Team Philippines Chef De Mission Ramon Fernandez sa ‘Power and Play’ program ni Noli Eala. “We’re hoping that we’ll be getting support from the private sector.”
Napuwersa ang Philippine Olympic Committee (POC) na tapyasan ang bilang ng mga atletang isasalang sa Hanoi SEA Games sa 584 mula sa dating 627.
Ito ay dahil nabawasan na ang inilaan ng PSC na P200 milyon para sa delegasyon simula noong nakaraang taon.
“Originally, we were thinking of 1,000 dele-gation but ang natira sa last year, we were given P200 million but we spent already some and most of them because of the preparation, the training of the athletes, equipments,” ani Fernandez.
“So may natirang P71 million from last year and nabigyan tayo ng Congress ng P50 million for 2022. So we have about P121 (million),” dagdag nito.
Dahil sa pandemya noong 2021 ay iniurong ng Vietnam ang pagdaraos nila sa SEA Games nga-yong taon.
Hihingi rin ng suporta ang PSC kay POC president at Tagaytay City Rep. Abraham ‘Bambol’ Tolentino at sa Department of Budget and Management (DBM) para sa karagdagang pondo.
“We’ll see where we can source out the others (funds) with the help of Cong. Bambol,” sabi ni Fernandez. “Maybe hopefully we can request for contingency or more funds from DBM as we will be able to compute how much it will cost.”
- Latest
