Valdez excited nang lumaro sa PVL open conference
MANILA, Philippines — Gigil nang magbalik-aksiyon si Alyssa Valdez kasama ang Creamline Cool Smashers matapos ang ilang buwang pananatili nito sa Pinoy Big Brother house.
Itinanggi ni Valdez ang ilang naglabasang komento sa social media na hindi ito maglalaro sa Premier Volleyball League (PVL) Open Conference dahil sa commitments nito sa PBB.
“Sobrang thankful ako sa suporta nila (Creamline) sa journey ko sa PBB. Kaya talagang gagawin ko ang lahat para masuklian ang lahat ng support nila sa akin,” ani Valdez sa programang The Game.
Nagkaroon lamang ng ilang aberya nang magpositibo si Valdez sa coronavirus disease (COVID-19) noong Enero 7 dahilan para pansamantala itong matigil sa online workouts ng tropa. Subalit masayang inihayag ng Creamline team captain na nakarekober na ito at nakakasama na uli sa mga ginagawang individual training ng kanyang team.
- Latest
