Durant na-injury sa tuhod
NEW YORK — Sa kabila ng 120-105 panalo ng Brooklyn Nets sa New Orleans Pelicans ay nagkaroon naman si Kevin Durant ng injury sa kaliwang tuhod sa second period.
Nangyari ito matapos bumangga ang pasalaksak na si Pelicans forward Herbert Jones kay Nets backup guard Bruce Brown na bumagsak naman sa kaliwang tuhod ni Durant sa 5:44 minuto ng nasabing yugto.
Paika-ikang naglakad si Durant sa loob ng court bago hiniling na ilabas na siya sa laro.
Hindi na nakabalik sa second half si Durant ngunit tumapos na may 12 points, 3 rebounds at 2 assists sa loob ng 12 minutong paglalaro.
Sinabi ni Brooklyn head coach Steve Nash na sasailalim ang All-Star forward sa isang MRI exam ngayong araw para malaman kung gaano kalala ang knee injury nito.
“Regardless of the outcome, we have to continue to work, build and grow, and get better and compete,” wika ni Nash.
- Latest
