TNT-Magnolia war umpisa ngayon
MANILA, Philippines — Natalo ang Magnolia sa PBA Finals ng Philippine Cup noong 2018 at 2019 laban sa San Miguel, habang yumukod ang TNT Tropang Giga sa Barangay Ginebra noong 2020.
Isa sa kanila ngayon ang tuluyan nang makakamit ang inaasam na kampeonato.
Sisimulan ng Hotshots at Tropang Giga ang kanilang best-of-seven championship series ngayong alas-6 ng gabi sa Game One ng 2021 PBA Philippine Cup Finals sa Don Honorio Ventura State University Gym sa Bacolor, Pampanga.
Para maplantsa ang kanilang titular showdown ay sinibak ng Magnolia ang Meralco sa Game Six at tinakasan ng TNT ang San Miguel sa Game Seven ng kani-kanilang semifinals duel.
“In the last four years, we’ve been here (All-Filipino finals) three times now,” pahayag ni Hotshots coach Chito Victolero. “I think we have matured a lot and built our chemistry.”
“In the finals, that’s exactly how we are going to approach it -- how can we be better in the finals than we were in the semifinals,” wika naman ni TNT mentor Chot Reyes. “That’s our approach.”
Muling ipaparada ng Magnolia sina Paul Lee, Ian Sangalang, Calvin Abueva, Mark Barroca at Rafi Reavis laban kina RR Pogoy, Jayson Castro, Troy Rosario, Poy Erram at rookie Mikey Williams ng TNT.
“It’s a team game. It’s never about me and them. It’s always going to be a team game,” sabi ng eight-time PBA champion coach.
Magkakaroon din ng mahalagang papel ang mga back up na sina Kelly Williams ng TNT at Rome dela Rosa ng Magnolia sa kabuuan ng serye.
- Latest
