LeBron nagpa-training camp para sa Lakers team

LOS ANGELES — Isang mini training camp ang inorganisa ni LeBron James para sa pagpapakondisyon ng mga players ng Lakers bilang preparasyon sa darating na NBA season.

Isang video ng training ng Lakers sa isang school gym ang lumutang sa internet bilang pagsisimula ng kanilang official offseason training.

Nakasama ni James sa pag-eensayo ang nagbabalik na si veteran big man Dwight Howard at mga bagong hugot na sina forward Carmelo Anthony at guard Russell Westbrook.

Isa naman sa nangasiwa sa ensayo ang bagong lead assistant coach ng Lakers na si David Fizdale. Nakuha rin ng Lakers sa offseason sina center DeAndre Jordan, Trevor Ariza, Kent Bazemore, Wayne Ellington at Rajon Rondo.