Diaz isasama pa rin sa Asian Games

MANILA, Philippines — Inaasahang isasama pa rin ng Philippine Olympic Committee (POC) si Tokyo Olympics gold medalist Hidilyn Diaz para sa de-legasyong isasabak sa 2022 Asian Games sa Hangzhou, China.

Ito ay kahit hindi isinama ang weightlifting event sa 6th Asian Indoor and Martial Arts Games (AIMAG) sa Bangkok at Chonburi, Thailand sa Marso 10-20, 2022 na magiging basehan ng komposis-yon ng Phl team para sa Asiad, ayon kay POC president Rep. Abraham “Bambol” Tolentino.

Sinuspindi ng International Weightlifting Fe-deration (IWF) ang Thailand dahil sa multiple doping violations kaya hindi ito makakapag-organisa ng weightlifting o makasali sa anumang weightlifting events.

Hindi rin nakasali ang Thailand sa weightlifting event noong 2019 Southeast Asian Games na pinamahalaan ng Pinas at maging sa nakaraang Tokyo Olympics.

Bumuhat ng silver medal si Diaz noong 2017 edition ng AIMAG sa Ashgabat, Turkmenistan bago kunin ang gold medal noong 2018 Asian Games sa Jakarta, Indonesia at tapusin ang 97-taong pagkauhaw ng Pinas sa kauna-unahang Olympic gold.

Nagsumite kamakalawa ang POC ng additional budget request na P450 milyon sa General Appropriations Act (GAA) sa Senado at Kongreso para sa preparasyon at pagsabak ng Team Philippines sa limang major international competitions sa 2022.