16-anyos na babaeng Karter humakot ng 6-awards
MANILA, Philippines — Anim na tropeo ang hinakot ni teen racing star Bianca Bustamante sa nakaraang Golden Wheel Awards sa Clark International Circuit.
Ang lima sa anim na awards ng 16-anyos na si Bustamante ay mula sa kanyang 2019 campaign, kasama rito ang National Senior Karter of the Year, International Junior Karter of the Year, ROK Karter of the Year, ROK GP Senior Overall Champion at X30 Senior Overall 1st Runner Up.
“I want to thank the Golden Wheel Award Foundation for their support and everyone who has stood by me in this journey,” ani Bustamante. “This award marks my final year in karting, I am excited for the next step in my career.”
Kakatawanin ng Pinay racing sensation ang Pilipinas at ang Asya sa FIA Girls on Track-Rising Stars Shootout sa susunod na buwan na bahagi ng plano ni Bustamannte na sumalang sa mas bigating Formula One racing.
- Latest
