Toni, nakanta ang lupang hinirang na parang martsa
Maayos ang pagkakakanta ni Toni Gonzaga ng National Anthem sa inauguration ni President Bongbong Marcos. Nakuha rin niya ang right tempo kung paano kantahin ang National Anthem na parang martsa.
Kaya hindi malaman ng supporters ni Toni kung bakit na-bash ang actress-TV host-singer. May isa pa ngang galit na galit at tinawag na “Piyok Queen” si Toni na dahil sanay na sa bashing, hindi na niya ito pinapansin.
May basher pang pinangunahan si PBBM, sigurado raw na bibigyan nito ng government position si Toni at ang asawa nitong si director Paul Soriano. Pati si Alex Gonzaga at asawang si Mikee Morada, magkakaroon daw ng government position.
Solenn, emosyonal sa pagbabu ng taste buddies
Iniyakan ni Solenn Heussaff ang pagkawala ng Taste Buddies, ang show nila ni Gil Cuerva sa GTV. Ten years ding umere ang nasabing show na si Solenn ang original host at naging co-host niya for a time sina Isabelle Daza, Iya Villania, at Rhian Ramos bago maging permanent co-host si Gil.
Sa pagtatapos ng Taste Buddies, nagbigay ng message sina Isabelle, Iya at Rhian at binalikan ang masaya nilang alaala doing the show.
Nagpasalamat naman si Solenn sa loyal viewers na sinuportahan siya for 10 years kahit paiba-iba ng co-host.
The same viewers na nagtatanong kung bakit inalis ng GTV ang show? Kung alin pa raw ang maganda, siya pa ang natsutsugi.
“We have come full circle indeed siyempre this would not be possible kung wala kayo mga Ka- Taste Buddies. Thank you so much for watching us for the last 10 years. Salamat din na nandoon kayo kahit naglilipat kami ng timeslot,” emosyonal na pahayag ni Solenn.
Tali, present sa oath-taking ni Mayor Vico
Hindi lang pala sina Vic Sotto at Coney Reyes ang present sa oath-taking ni Pasig City Mayor Vico Sotto dahil dumalo rin sina Vic at Pauleen Luna-Sotto kasama si Tali at andun din si Danica Sotto-Pingris, kapatid ni Vico.
Ang ganda ng larawang nakita namin na nasa gitna si Tali nina Coney at Vic sa upuan at parang kinakausap ni Coney si Tali. May larawan din si Tali kasama ang mom niyang si Pauleen at si Danica.
- Latest
