Hipon Girl, nagparamdam sa presidente ng grand international
Dedicated ni Herlene “Hipon Girl” Budol ang kanyang signature walk sa LGBTQIA+ members. Squammy Walk ang tawag niya rito.
Sa kanyang Instagram ay pinost ni Hipon ang naging pasarela training niya at ang pagrampa niya nito sa katatapos na talent competition ng Binibining Pilipinas 2022 candidates.
Alay nga raw ni Hipon ang kanyang performance sa LGBTQIA+ members kaugnay ng Pride Month dahil malaki raw ang maging tulong sa kanya ng maraming beki kung bakit marami siyang narating sa buhay niya ngayon.
Kelan lang din ay nakilala ni Hipon nang personal ang president ng Miss Grand International na si Nawat Itsaragrisil. Nanood kasi ito ng training at rehearsal ng mga kandidata at hindi nagpahuli si Hipon sa pagpapa-selfie rito.
Post pa niya sa IG: “’m glad i finally got to meet the president of Miss Grand International organization @nawat.tv My dream is to be the first @missgrandinternational from my country & use it as a platform to raise awareness of my cause. It is an honor of meeting you @nawat.tv in person. Thank you for the visit here in the country.”
Natuwa si Hipon nang i-feature siya ni Nawat sa IG Stories nito.
“And thank you for featuring me in your IG story. It is an honor of such gestures. I am hoping the stars will align to my dream crown and maybe be part of your rosters of @missgrandinternational Queens. I hope you will have a more enjoyable stay in Manila! Khaup Khun Kha!,” pasasalamat pa ni Hipon.
Rocco, kalmado sa pagbubuntis ni Melissa
Tinuturing na blessing ni Rocco Nacino ang paparating nilang baby boy nila ng wife niyang si Melissa Gohing. Naging sunud-sunod kasi ang projects ng Kapuso actor noong magbuntis ang kanyang misis. “Actually super suwerte ni baby kasi grabe ‘yung blessings this year. Hindi ko akalaing magkakaroon ako ng isa pang show,” sey ni Rocco na humaba ang role sa GMA na First Lady.
Kasalukuyang naghahanda si Rocco para sa bagong gagawing teleserye at the same time ay sinusulit niya ang quality time with Melissa na isisilang ang kanilang baby boy sa October.
Malaki naman ang pasasalamat ni Melissa na bukod sa artista, isa ring registered nurse si Rocco kaya alagang-alaga siya nito.
Hollywood actress na si Sharon Stone, nilantad ang siyam na miscarriages
Naging open ang Hollywood actress na si Sharon Stone na nagkaroon siya ng siyam na miscarriages.
Kinuwento ng Basic Instinct star ang pinagdaanan niyang ito pagkatapos niyang mapanood ang kuwento ng Dancing With The Stars pro dancer na si Peta Murgatroyd na tatlong beses nang nakaranas ng miscarriage.
Nahabag si Sharon sa kuwento ni Peta dahil nasa Ukraine raw ang mister nitong si Maksim Chmerkovskiy noong maospital ito for a third miscarriage.
Post ni Sharon sa kanyang IG: “We, as females don’t have a forum to discuss the profundity of this loss. I lost nine children by miscarriage. It is no small thing, physically nor emotionally yet we are made to feel it is something to bear alone and secretly with some kind of sense of failure. Instead of receiving the much needed compassion and empathy and healing which we so need. Female health and wellness left to the care of the male ideology has become lax at best, ignorant in fact, and violently oppressive in effort.”
Adopted ang tatlong anak ni Sharon na sina Roan (22), Laird (17) and Quinn (16).
- Latest
