Ruru, tiyak na ninerbyos kay Christopher

Maganda ‘yung role ni Christopher de Leon sa Lolong.

Suwerte ni Ruru Madrid dahil binigyan siya ng malakas na suporta ng GMA 7 sa kanyang break bilang bida sa isang serye.

Imagine mo na isang multi-awarded actor ang kasama mo sa serye. Siguro nga nagkaroon ng konting nerbiyos si Ruru sa mga eksena nila together ni Christopher dahil kahit sinong baguhan medyo takot makasama ang senior actors. Pero sabi ni Christopher mahusay raw na artista at mabait si Ruru kaya tuwang-tuwa siya sa Lolong.

Exciting naman ang teaser nito na malapit nang ilabas ng GMA 7 kaya naman lahat naghihintay na sa resulta ng Lolong.

Bea, nabawasan ang ‘Ningning’

May nagsasabi na parang wala nang ningning si Bea Alonzo dahil para namang hindi masyadong excited ang tao sa paglabas niya sa TV.

Mas nandu’n pa ang excitement sa pagsasama nina Dingdong Dantes at Marian Rivera sa sitcom na Jose & Maria’s Bonggang Villa. Kasi nga ewan ko ba kung bakit hindi na mukhang fresh at yummy si Bea, baka dahil na rin sa edad niya at lagi ngang nasa isip mo na pinalitan ni Gerald Anderson ng mas batang Julia Barretto kaya tuloy ang lagi mong naiisip, baka dahil old na si Bea at young si Julia kaya na-ghosting.

Sayang kasi there was a time na inaakala ng marami na mala-Diyosa ang ganda ni Bea pero hayun nga, iniwan sa ere. Dapat sa edad niya meron na siyang asawa at mga anak, pero single pa rin kaya nagtatanong ka, ano ang dahilan?

Sana naman makakita na siya ng tunay na magmamahal sa kanya para hindi siya maging bitter sa buhay.