Barbie, may nakitang pagbabago kay Jak   

Proud girlfriend si Kapuso Primetime Princess Barbie Forteza sa boyfriend na si Jak Roberto, sa acting nito sa nalalapit na airing ng sports drama series ng GMA Telebabad na Bolera, katambal si Kylie Padilla at kasama rin nila si Rayver Cruz. Nakita raw kasi ni Barbie ang improvement ni Jak sa pag-arte simula nang huli silang nagkatrabaho sa Kara Mia in 2018. “Noong huli kaming nagka-work, hindi siya ganun dati,” sabi ni Barbie.  “So, I’m looking forward to work with him at ma-experience ko ‘yung ganung Jak Roberto.”

After ng lock-in taping ng Bolera, nakapag-celebrate sina Barbie at Jak ng kanilang 5th anniversary sa Bellevue, Bohol. Masaya sila dahil after a long while, noon lamang sila nakapag-travel together.

False… last two weeks na

Nasa last two weeks na lamang ang GMA Telebabad na False Positive na first team-up nina Glaiza de Castro at new Kapuso leading man Xian Lim, pero nakikiusap ang netizens kung pwede pa raw itong i-extend. 

Samantala, nasa Ireland pa rin si Glaiza at nagbabakasyon doon with husband David Rainey at family nito at gabi-gabi raw ay pinapanood nila online ang False Positive at nai-excite rin ang mga ito kung paano magsisilang si Edward na siyang nabuntis sa palabas.

Napapanood ito every night, 8:50 p.m. after First Lady sa GMA 7.

Kylie, humanga sa coaches

Hindi pala biro ang pag-aaral ni Kylie Padilla, as Bolera ng paglalaro ng billiards. At hindi naman nagpabaya ang GMA Network na hindi bigyan ng coaches si Kylie na magtuturo sa kanya, sina Rubilen Amit at Johann Chua na parehong tumanggap ng gold medal sa 31st Southeast Asian Games at Hanoi, Vietnam.

Ayon kay Kylie, humanga siya sa dalawang billiard masters dahil kahit na abala sa training para sa SEA Games ay naglaan ng oras para sa bagong Kapuso serye. “Parang nakalimutan ko kasi na ganoon sila kaastig, the’re cool people. They became my friends. So ngayon, na-remind ako ulit na, “oh my God, astig pala ‘tong mga ito talaga.” It’s really cool to have friends like that, and I’m so proud of it.”

Si Rubilen ang naging script consultant ng upcoming sports serye habang si Johann ang naging tagapagsanay ni Kylie sa billiards.

Ang world premiere ng Bolera ay sa May 30, 8:50 p.m., pagkatapos ng First Lady sa GMA 7.