Vice, tumangging ipahamak ang Pilipinas   

Inamin ni Vice Ganda na may nag-alok sa kanyang tumakbo para sa isang mataas na posisyon ngayong 2022 elections na ikinaloka raw niya.

Ikinuwento ito ni Vice sa vlog ni Dra. Vicki Belo titled Love and Life Advice from Vice Ganda.

Sa nasabing vlog ay may recorded question from Derek Ramsay kung may balak ba siyang pumasok sa pulitika at tulungan ang ating bansa.

Sagot ni Vice, kung tatanungin daw siya ngayon ay wala siyang kabalak-balak talaga although ayaw niya raw magsalita nang tapos dahil baka kainin niya raw ito.

“Pero sa ngayon, no,” sey niya.

Nang tanungin siya ni Dra. Belo kung may nag-offer na ba, umamin naman si Vice. Ayaw na niyang sabihin kung anong posisyon pero mataas daw. “Mataas na position na naloka ‘ko. Talagang…no, no, no.” sambit ng comedian/TV host.

Tinanong siya ni Dra. Vicki kung bakit ayaw niya at aniya, hindi raw siya magaling du’n although feeling daw niya ay pwede siyang manalo. “Feeling ko puwede akong manalo kasi marami akong followers, marami akong fans, baka maraming bumoto sa akin, maraming natutuwa sa akin.

“Pero ako sa sarili ko, ngayon, hindi ako magaling du’n. So bakit ako pupunta do’n? Ano ‘yun, ipapahamak ko ang Pilipinas? Not because you can win, you will run, no, hindi ganu’n,” paliwanag niya.

Um-agree naman si Dra. Vicki at sey niya, nakakatulong na raw si Vice Ganda by making the Filipinos laugh lalo na in times of hardships.

“By inspiring us with words of wisdom and your life is an inspiration,” papuri niya kay Vice Ganda.

Payo naman ni Vice sa mga tao, “live your life, be happy, life is uncertain, live your life, own your life and be happy and be grateful with your life.”

Matteo, proud sa strawberry shortcake ni Sarah

Muli ay ipinagmalaki na naman ni Matteo Guidicelli ang strawberry short cake na ginawa ng kanyang misis na si Sarah Geronimo.

Ipinost ni Matteo sa Instagram ang short video kung saan ay makikitang enjoy na enjoy at sarap na sarap sa pagkain ang kanyang pamilya ng cake ni Sarah. “Dessert came first during tonight’s dinner! How can you say no to this delicious and beautiful creation from my wife?! The whole family LOVED it! Ohhh yeaaaa!” caption ni Matteo.

Sa dulo ay may pa-hashtag pa ang aktor ng #strawberryshortcake at #mywifeisthebest.

Kilig na kilig naman ang fans at pinuri ang sweetness ni Sarah, gayundin kung gaano ka-appreciative ang pamilya ng mister. “Wow! SG you’re the best! Really love the G Fam for being so supportive of our Queen SG,” komento ng isang Popster.