Jodi, binigay ang puso’t kaluluwa sa broken...   

Aminado si Jodi Sta. Maria na talagang na-pressure siya nang unang i-offer sa kanya The Broken Marriage Vow na adaptation ng popular BBC series na Dr. Foster.

“At first, oo. ‘Di ba siyempre, napakalaking proyekto? I think, parang 6th adaptation na tayo? Oo nagkaroon ng pressure for me as an actor,” ani Jodi sa all-star-cast digital me­diacon held last Monday.

Pero nang matapos na nilang gawin ang buong serye ay hindi na raw niya inisip pa ang pressure.

“Kasi, parang tapos na, eh. Na-canned na, ie-edit na ‘yan, lalagyan ng scoring, color grading, etcetera, etcetera. So, parang ayoko na siyang isipin pa nang isipin kasi, parang unnecessary stress na siya and I believe naman that we have given our all, our best, our heart and soul to this series,” sey ng aktres.

Sinabi rin ni Jodi na sobrang thankful siya na sa kanya ipinagkatiwala ang ganito kalaking role na baka nga raw hindi na maulit in this lifetime.

Ginagampanan ni Jodi ang lead actress role, ang karakter ni Dr. Jill Ilustre with a powerhouse cast mula sa direksyon nina Connie Macatuno and Andoy Ranay.

Mapapanood na ang The Broken Marriage Vow ngayong Jan. 24. Sa Kapamilya Channel, A2Z, TV5 and The Filipino Channel. Kasama rin sa main cast sina Zanjoe Marudo, Sue Ramirez at Zaijian Jaranilla.

Heart, high tech na rin ang salamin

Pinagkaguluhan na naman ng kanyang followers ang recent post ni Heart Evangelista kung saan ay nasa harap siya ng isang smart mirror. Isa itong life-size mirror and at the same time ay android tablet din.

“Can you guys believe that I actually have a smart mirror at home?! Meet Serena, @lulusmartmirror’s latest smart technology. This giant android phone doubles as an #OOTD mirror and features a 5MP camera. You can even download apps on it! It makes my life so much easier when I’m working at home or trying out new outfits for shoots and endorsement,” ang caption ni Heart.

Dagsa ang komento sa comment section at amazed na amazed sila sa bagong technology na ito na parang si Heart pa lang ang meron.

Puro “wow”, “sana all”, “iba ka,” “sakalam” ang mababasa mo sa komento nila.

Ang iba ay tiningnan na agad sa website ang presyo nito at tumataginting na P80,000 lang naman.

“Worth 80k mirror deserved mo yan miss heart“ komento ng isang netizen.

“Kaloka ang ganda!!! Makapag ipon na nga” sey naman ng isang follower.