Vice, nabaliw sa Best Entertainment Presenter/Host Award   

Sobrang overwhelmed at halos mabaliw sa tuwa si Vice Ganda sa bago niyang award. He was declared as Grand Winner for the Best Entertainment Presenter/Host category sa katatapos lamang na Asian Academy Creative Awards 2021.

Inanunsyo ito last Dec. 3 sa Gala Night ng AACA. Nanalo si Vice Ganda para sa ABS-CBN’s singing community game show, Everybody, Sing! kung saan ay siya ang naging host.

Sa kanyang Twitter account ay tuwang-tuwang nagpasalamat si Vice at halos hindi makapaniwala sa award na natanggap.

“Overwhelmed! Ang gulo ng pakiramdam! Naiihi ako na naduduwal na di ko maintindihan. Nakakabaliw sa saya! Thank you Lord! This is unbelievable! Shit i just won Best Entertainment Host at the Asian Academy Creative Awards! Shiiiiiiitttttttt!!!!” tweet ni Vice.

Tinalo ni Vice ang iba pang national winners sa nasabing category mula sa 16 na bansa tulad ng Australia & New Zealand, Cambodia, China, Hong Kong SAR, India, Indonesia, Japan, Malaysia, Myanmar, Philippines, Singapore, South Korea, Taiwan, Thailand, and Vietnam.

Bukod dito, naging nominee or National Winner naman ang Everybody, Sing! sa Best Music/Dance Program.

Alex, naka-move on na

Mukhang naka-move-on na si Alex Gonzaga sa mabigat na pinagdaanan niya kamakailan kung saan nga ay nagkaroon siya ng miscarriage sa first baby sana nila ni Mikee Morada.

Sa virtual mediacon ng pelikula nila ng ate niyang si Toni Gonzaga na The Exorsis na isa sa official entries sa 47th Metro Manila Film Festival ay panay ang patawa na ni Alex na usual character naman niya talaga.

Ayon kay Alex ay malaki rin ang naging suporta ng ate Toni niya sa nangyari sa kanya bilang ito naman ang nag-iisang kapatid niya.

“Actually, ang ate ko ang una kong sinabihan when I got pregnant and then, siya rin ‘yung… I think, ate, ikaw rin ang isa sa mga una kong sinabihan na hindi nga maganda ‘yung outcome, but ang ate ko, ano siya, eh, hindi mo man mararam­daman ‘yung physically na nandiyan siya because iba na ‘yung bahay niya, pero her presence and her love, and ‘yung care niya, nararamdaman mo,” kwento ni Alex.

Malaking tulong din daw ang asawa ni Toni na si Paul Soriano na talagang ipinaramdam din sa kanila ang pagdamay at pagmamahal.

“Nagpapadala si Kuya Paul lagi, nagugulat ako, may mga balloons, may mga pagkain, flowers, gusto pa niyang bigyan si Mikee ng PS5 (Playstation 5), ‘di ba ate?” sey ni Alex,

Samantala, sobrang thankful ni Toni na siyang isa sa producers ng The Exorsis dahil nakapasok sa MMFF 2021 ang movie. Of course, noong ginagawa raw nila ito ay hindi rin nila alam kung saan ipalalabas ang pelikula because of the pandemic.

“So, nu’ng tapos na ‘yung film, tapos ang tagal na niyang naka-can, bigla namang nagbukas ‘yung submission of entries for MMFF, ‘yun, thankful kami dahil nabigyan kami ng chance na maipasa, tapos, sobrang bonus na in-announce na nakapasok,” ani Toni.

Ang The Exorsis ay isang horror-comedy film written and directed by Fifth Solomon. Pangalawang MMFF movie na ito ng magkapatid na Gonzaga, gayundin ng TinCan Film Productions ni Toni. Ang una ay ang Mary, Marry Me noong 2018.

Co-produced by Viva Films, showing na ang pelikula sa mga sinehan sa Dec. 25. Kasama rin dito si Melai Cantiveros na ayon sa magkapatid ay lucky charm nila dahil kasama rin nila ito sa Mary, Marry Me.