Angel, nagsalita kung paano pumayat!

Dahil nag-viral ang ipinost na mga larawan ni Angel Locsin last Tuesday kung saan ay makikitang malaki na ang kanyang ipinayat, the following day ay may paliwanag ang aktres at nagbahagi ng kanyang tips sa mga katulad niyang dumadaan din sa ‘weight-loss journey.’

Unang tip ni Angel, dapat daw ay alamin ang tamang pose para magmukhang slim na mukhang ginawa niya nga sa nag-viral na photos niya.

“Hello everyone! About my recent post that became viral, first, I want to say that knowing how to pose the right way can help you look slimmer. I think everyone who posts ootd’s or watched Top model knows this,” simula ni Angel sa kanyang Instagram post.

Payo pa ni Angel, hindi dapat ma-pressure na pumayat agad dahil hindi raw talaga ito madaling proseso. “You are more than your weight or how you look. What’s important is how you feel and think of yourself. Shine. Don’t let the perception of others dim your light. I know you are trying. I know it’s hard. I understand,” sey niya.

Tungkol naman sa kanyang journey, aminado siyang she’s still a ‘work in progress.’ “Second, slowly, yes I was able to slim down—but I’m acknowledging that I’m still a work in progress. Though I feel good now. I’ve been taking care of my health and trying out something new. I will share with you my process and journey some other time, when I’m more confident na. But this is not without struggles and bumps,” pagbahahagi niya.

Sa huli ay sinabi ng aktres na excited na rin siyang makita ang mangyayari sa kanyang ‘balik-alindog’ program within the next few months. “I will not let anyone dictate my pace. But I am looking forward to what I can achieve in the next 3 months or so. Love you, fats and all,” pagtatapos ni Angel.

Ang nasabing post ay pinuri at inayunan ng kanyang mga kaibigang celebrities din tulad nina Bea Alonzo, Maja Salvador, Ruffa Gutierrez, Vina Morales, Agot Isidro at marami pang iba.

Star Awards for Movies, may virtual awarding

Handang-handa na ang Philippine Movie Press Club sa pagdiriwang ng 36th Star Awards For Movies. Dahil sa pandemya, sa kauna-unahang pagkakataon ay idaraos ito sa pamamagitan ng virtual awarding.

Magsisilbing hosts sa virtual awarding sina Sanya Lopez at Alfred Vargas habang sina Regine Velasquez- Alcasid, Jed Madela at Luke Mejares.

Igagawad naman ang Nora Aunor Ulirang Artista Lifetime Achievement Award sa veteran theater, film, at television actress na si Angie Ferro habang ang Ulirang Alagad ng Pelikula sa Likod ng Kamera Lifetime Achievement Award ay ipagkakaloob sa seasoned master director na si Elwood Perez na nagdiriwang ng ika-50 taon niya sa movie industry.

Ang 36th Star Awards for Movies ay handog ng Philippine Movie Press Club sa pangunguna ng kasalukuyang Presidente na si Roldan Castro sa pakikipagtulungan ng Film Development Council of the Philippines ni Chairperson Liza Diño-Suegerra at ng Wemsap ni Wilbert Tolentino. Ito’y sa direksiyon ni Pete Mariano.

Mapapanood ang kabuuang programa sa Sept. 26 sa STV digital TV at RAD streaming platform ng alas-6 hanggang alas-9 ng gabi.