LOVE STORY

Dear Banat News,

Hello tanang avid readers sa Banat News basta Martes na gani, maganahan ko og samot sa Banat News tungod sa  LOVE STORY kay malingaw gyud ko. 

Common ra kaayo ang story nga akong i-share ninyo. Mura’g kadaghan nako kabasa  nga same sa ako experience.

Ako diay  Aldrian, 27 years old ug nag-work isip sa usa ka admin assistant sa usa ka  construction company.  

Siyam ka bulan nako nga  wala’y uyab, dugay nako  naka-move on  sa akong  ex-girlfriend  nga si  Patricia   nga nag-work isip call center agent.

Nalingaw ra man ko sa akong pagka-single, sukad mi nagbuwag ni Patricia,  wala pa sad ko nakauyab og balik.

Nagkaila mi ni Patricia tungod kay silingan sila sa akong usa ka friend.

Pagkakita nako  niya mura’g kiwawan ko niya, kay mura’g artehon . Hinuon  first impression ra gyud tu nako.

Naninguha gyud ko nga akong makit-an ang iyang FB account. Pagkita nako sa iyang profile ako dayon siya gi-add.

G-accept ra pud ko  niya maong lipay  kay ko . Hunahuna nako makasugod na ko sa akong plano nga modiskarte niya. 

Mo-reply pud baya siya usahay sa akong mga chat.   Sa tinuod lang gikilig  gyud ko niya.

Ako gyud permi ipa-feel niya nga  nag-care ko niya. Part mana sa proseso, dapat dili nako siya kaliton pud.

Pag-abot og upat ka bulan nga pagpa-cute nako kaniya,  ako na gyud siya nga gipanguyaban ug  puwerti nakong lipaya kay gisugot dayon ko niya.

Smooth ra ang  dagan sa among relasyon, apan pag-abot og  pila ka bulan dili na man siya ganahan makigkita nako uy.  Katagsa na lang mo-reply sa akong mga chat, iyaha rako i- seen zone permi sa messenger.  Hangtod nga nakadungog og istorya gikan sa among common friends nga nag-date date sila sa usa nako ka amigo.

Wala nako damha nga mo-snake ang akong amigo sa akong uyab.  Niangkon ra pud si Patricia sa iyang sala.  Ako siyang gibuwagan kay dili ko ganahan magmantinir og babaye nga mopatol og lain bisan naa na siya’y uyab.

Wala na pud nako tagda akong amigo nga niluib kanako.   Puros sila mga traydor mga wala’y ayo nga pagkatawo.Daghang salamat Banat News sa paghatag ninyo og pagtagad sa akong story.

Mo-request na lang ko sa lyrics sa Sana by I Belong to the Zoo.

Hi Aldrian! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News