RUS, Simple Blends mag-abot sa East finals
CEBU, Philippines — Ang Team RUS ug Simple Blends mitagak sa ilang mga karibal aron pag-abante sa East finals sa Hoop Nation-Arlon Cup Season 2 didto sa City Sports Club-Cebu gym.
Ang RUS mipabakwit sa Sinai Mountain Resort, 85-78, samtang ang Simple Blends mipalagpot sa Dracones, 74-68.
Si Floyd Taboada maoy nangu sa RUS uban ang 16 puntos, walo ka rebounds ug usa ka block samtang si Albert Ardiente, ang season MVP, ang mibida sa Simple Blends bitbit ang 24 puntos, lima ka rebounds ug tulo ka assists.
Sa West, ang eighth-seeded Imperium Event mipakurat sa top-ranked Joher Transport Logistics, 47-42, aron pagmartsa ngadto sa semifinals.
Si James Villafuerte misidlak sa Imperium uban ang 16 puntos, tulo ka rebounds ug duha ka assists.
Sangkaon sunod sa Imperium ang Prayboys diin ang modaog maoy makigharong sa Team CK sa West finals.
- Latest