Lebron James moretiro na?

CEBU, Philippines — Si LeBron James gikataho nga nagplanong moretiro gikan sa basketabll human ang Los Angeles Lakers gi-sweep sa Denver Nuggets sa ilang best-of-seven NBA Western Conference finals.

Sigun sa taho sa ESPN nga ang 38-anyos nga superstar naghuna-huna nga mobiya na gikan sa duwa nga labing duol sa iyang dughan human sa mapait nga kapildihan nga nagtuldok sa ika-20 niyang season sa liga.

Samtang si Chris Haynes sa TNT mi-tweet nga gikonsidera karon ni James nga isab-it ang iyang jersey sa hingpit.

Mismo si James ang mi-ugsong sa maong spekulasyon kabahin sa iyang ugma pinaagi sa lawon niyang mensahe atol sa post-game press conference.

Matud pa ni James nga naghuna-huna siya nga mopahuway una aron hinologan ang sunod nga bahin sa iyang karera.

Sa dihang gipangayoan og komento kabahin sa ilang kampanya sa miaging season diin nagkagidlay sila sa sinugdanan ug nag-agi pa og play-in tournament sa wala pa makasud sa playoffs dayon na ngadto sa West finals, si James nagkanayon nga napuno kini og mga hagit.   

"I don't know. I think it was okay. I don't like to say it's a successful year because I don't play for anything besides winning championships at this point in my career," dason pa ni James. "I don't get a kick out of making a Conference (finals) appearance. I've done it, a lot. And it's not fun to me to not be able to be a part of getting to the Finals."

"But we'll see. We'll see. We'll see what happens going forward. I don't know. I've got a lot to think about to be honest," dugang pa ni James.  "Just for me personally going forward with the game of basketball, I've got a lot to think about."

Si James duna pay duha ka tuig nga kontrata uban sa Lakers nga mapupos sa 2024-2025 NBA season.