Wenceslao manulong sa Korea, WBC Asia welterweight title ang tirada
CEBU, Philippines — Ang pambato sa ARQ Stable nga si Rodel "The Hulk" Wenceslao magsagubang sa labing dako nga tahas sa iyang karera sa dihang iyang sangkaon ang Koreanong kampiyon nga si Yoo Sub Shin alang sa WBC Asia Silver welterweight belt karong Sabado, Mayo 27, didto sa WJ Boxing Club sa Yangju City, South Korea.
Dugang hagit alang sa 30-anyos nga si Wenceslao isip labing unang boksidor sa ARQ nga mopakita'g aksiyon gawas sa nasud. Si ARQ strength and conditioning coach Roger Justine Potot nagkanayon nga si Wenceslao hugtanong nagbansay-bansay sukad pa niadtong Enero ning tuiga ug andam nang moasdang sa teritoryo sa iyang kontra.
"He built up his strength and speed during the first three months of his preparations," matud pa ni Potot. "He's been in Manila early this month sparring and training at the Elorde Gym."
Si Wenceslao nagkupot og 19-19-2 win-loss-draw record uban ang 8KOs apan wala pay pilde sa lima ka away sukad siya mitapon sa poder sa ARQ sa miaging tuig.
Iyang banggaon ang 26-anyos nga si Yoo, nga midaog sa tanan niyang tulo ka away isip pro pinaagi sa knockout.
Si Yoo modepensa sa unang higayon sa WBC regional title nga iyang nasakmit human gipalukapa ang mas eksperyensiyado niyang kababayan niyang si Heuk San Lee niadtong Disiembre 2022.
- Latest