JJS Electrical, Donling daog dayon sa Javier Ceramics Cup 2023
CEBU, Philippines — Gipili nga best players silang Lorenzo Isip ug Kenaz Balderas sa dihang ilang giagak ang ilang tagsa-tagsa ka koponan ngadto sa kadaogan sa unang adlaw sa Javier Ceramics Cup 2023 basketball tournament niadtong Domingo diha sa Ateneo de Cebu sa Mango Avenue, Cebu City. Si Isip mikadlit og 16 puntos, walo ka rebounds ug tulo ka assists aron pangulohan ang JJS Electrical Supplies nga mitiklo sa CJL Sniper, 74-60.
Ang JJS ni Jeffrey Banaag nakakuha sab og suporta gikan nilang Francis Bauntad ug Joshua Banaag nga miamot og 13 ug 10 puntos matag usa. Ang CJL ni James Lapinid gipangulohan ni Glenn Mar Megio nga miburak og 12 puntos, gisundan nilang Ariel Martus ug Niel Caramonte ug Rondirk Farlou Monterola nga nag-amotay og 10 puntos.
Sa pikas bahin, si Balderas mirehistro og 12 puntos, upat ka rebounds ug tulo ka assists alang sa Donling Aircon and Refrigeration Services nga mipukan sa Jot Trucking sa iskor nga 69-61.
Bugtong si Balderas lang ang miiskor og double figures sa Donling ni Romeo Quilaton Jr. ning maong liga nga gipasiugdahan sa Brothers Ball League. Ang Jot Trucking ni Jeffrey Tagacanao gipangulohan ni Jeffrey Francisco sa iyang 21 puntos, gisundan ni Jeremiah Rivera nga adunay 10 puntos.
Puntos matag usa
Unang duwa
JJS (74) — Isip 16 , F. Bauntad 13, Josh. Banaag 10, Ramas 8, Awit 7, Dronio 6, Pagambunan 4, Vargas 4
CJL (60) — Megio 12, Martus 10, Caramonte 10, Monterola 10, Adolfo 9, Moniba 2, Lapinig 2 Caramonte 2
Ikaduhang duwa
Donling (69) — Balderas 12, Ponce 8, Sanchez 7, Sanchez 6, Nunez 6, Daug 6, Lomuya 5, Ravina 4, Isip 4, Dionson 2, Velasco 2, Lomuya 2
Jot Trucking (61) — Francisco 21, Rivera 10, Enriquez 5, Reduloza 5 , Barcoso 5, Antona 4 ,Vestra 4, Romo 4 Barcoso 2, Cabarubias 2, Bautista 2.
- Latest
