Unang PBA 3x3 crown para sa Gin Kings
MANILA, Philippines — Sa kauna-unahang pagkakataon ay nagkampeon ang Barangay Ginebra sa PBA 3x3 tournament.
Ito ay matapos lusutan ng Gin Kings ang Platinum Karaoke sa overtime, 20-19 para ibulsa ang Leg 3 title ng Third Conference Season 2 kahapon sa Robinsons Place Antipolo.
Sinikwat nina Donald Gumaru, Kim Aurin, Ralph Salcedo at Ralph Cu ng Ginebra ang premyong P1000,000 bilang kampeon.
Ipinasok ni Gumaru ang krusyal na jumper matapos makuha ang rebound galing sa mintis ni Aurin para umeskapo sa Platinum Karaoke.
Nakuntento ang Platinum Karaoke, nakabawi mula sa 12-17 pagkakabaon para tumulak ng overtime, sa P50,000.
Nilusutan ng Ginebra ang Meralco, 15-13 habang dinomina ng Platinum Karaoke ang J&T Express, 19-13, sa kani-kanilang semifinals duel para plantsahin ang title match nila.
Samantala, kinuryente ng Bolts ang J&T Express, 19-15, para angkinin ang third place at ang premyong P30,000.
- Latest