CebuTech nidaog na gyud sa LBA
CEBU, Philippines — Nakatagamtam na gyud og daog sud sa lima ka duwa ang CebuTech dihang ilang gilubong ang Jed’B, 66-50 sa LBA basketball tournament niadtong Sabado diha sa Lamac gym sa Consolacion.
Tulo ka players sa CebuTech ang miiskor og double figures pinangulohan ni Juksan Cairo nga mihakot og 23 puntos.
Sayes puntos lang ang labaw sa CebuTech human sa unang kuwarter, 20-14, apan mipahaguros kini sa ilang opensa samtang ila lang nga gilimitahan ang Jed’B ngadto sa sayes puntos sa second period aron molansang og 39-20 sa halftime ug sukad niadto namintinar na ang ilang dakung labaw.
Sa sayo pa, ang 3K’s yano kaayong miiskor og daog pinaagi sab sa paglubong sa Cyrax, 85-66.
Si Richard Madrid ang nangu sa lima ka players nga mitala og double figures alang sa 3K’s nga nagbitbit na og 3-1 record.
Si Atty. Monares miamot og 13 puntos, si Rio Quijano adunay 12 puntos, si Kyor Ermac mitampo’g 11 puntos, samtang si Kiko Palero mitunol og 10 puntos.
Sama sa Jed’B, ang Cyrax wala pa gihapon makatilaw og daog sa upat ka duwa.
Milansang sab og daog ang C’Mart batok sa Malunggay, 79-72 ubos sa pagpangulo ni Raque Malicay nga mitikdol og 18 puntos, samtang sila si Andoy Lacio ug Mano Raz nagtampohay og 14 puntos.
Gipangulohan sab ni M. Joel ang Malunggay nga mihagpat og 19 puntos, gisundan ni Joseph Saranza sa iyang 18 puntos.
Ang C’Mart ug Malunggay parehong nagtangag og 3-1 nga baraha ning maong liga nga nahimo pinaagi sa paningkamot ni LBA president Roy Ermac.
Puntos matag USA
Unang duwa
3K’s (85) — Madrid 18, Monares 13, R. Quijano 12, Kyor 11, Palero 10, Lagozar 8, Perez 4, J. Quijano 4, Pitogo 3, Janginon 2.
Cyrax (66) — Tanlie 19, Warren 14, Cyril 13, Cesar 10, Tyron 4, Roso 4.
Ikaduhang duwa
CebuTech (66) — Juksan 23, Felix 14, Dario 12, Penaranda 8, Monreal 7, P. Cristobal 2.
Jed’B (50) — Nol 14, Valdez 9, Nilo 7, Arriba 6, Quimque 6, Jack N Jill 4, Sibonga 2, Rocky 2.
Ikatulong duwa
C’Mart (79) — Raque 18, Andoy 14, Mano 14, Goc-ong 9, Caballeda 7, Tecling 6, Dence 5, Carcosia 4, Pelarios 2.
Malunggay (72) — M. Joel 19, Saranza 18, Reuyan 16, Canete 8, Kim 5, Tuico 4, Andaya 2.
- Latest
