Bachmann pinalitan si Eala sa PSC
MANILA, Philippines — Apat na buwan lamang ang itinagal ni Noli Eala bilang chairman ng Philippine Sports Commission (PSC).
Kahapon ay dumating na ang appointment letter ni Richard Bachmann sa PSC office bilang kapalit ni Eala.
Sinasabing bahagi ito ng pagtatanggal ni Pangulog Bongbong Marcos, Jr. sa mga nailuklok ni dating Executive Secretary Vic Rodriguez.
Ang PSC-Batang Pinoy National Championships sa Vigan, Ilocos Sur ang una at huling programa ng ahensya na napamahalaan ni Eala.
“I wish to thank President Bongbong Marcos for affording me the chance to help Philippine Sports rise to greater heights,” ani Eala. “I serve under the pleasure of the President and I fully respect his decision.”
Si Bachmann ay kasalukuyang basketball commissioner ng UAAP at chairman ng PBA 3×3.
Kasama rin si Bachmann sa organizing committee ng 2023 FIBA World Cup na pamamahalaan ng Pilipinas kasama ang mga co-hosts na Japan at Indonesia sa Agosto.
Samantala, uupo namang PSC Commissioner si dating Cebu City Sports Commission (CCSC) chief Edward Hayco.
Makakasama niya sa PSC Board si bowling legend at Commissioner Bong Coo.
- Latest