Bolick, Malonzo bandera sa BPC race
MANILA, Philippines — Nangunguna sina Robert Bolick ng NorthPort at Jamie Malonzo ng Barangay Ginebra sa Best Player of the Conference race ng 2022-23 PBA Commissioner’s Cup.
Matapos ang eliminasyon, nasa unahan ng listahan si Bolick na may 35.9 statistical points (SPs) mula sa averages nitong 21.7 points, 4.5 rebounds at 6.5 assists.
Nasa ikalawang puwesto naman si Malonzo na nagrehistro ng 31.3 SPs mula sa averages na 14.3 points, 6.7 rebounds, 2.2 assists, 1.5 steals, at 1.3 blocks per game.
Hawak naman ni reigning league Most Valuable Player Scottie Thompson ng Gin Kings ang ikatlong posisyon bitbit ang matikas na 31.1 SPs.
Nasa ikaapat si Jio Jalalon ng Magnolia tangan ang 30.4 SPs habang ikalima si CJ Perez ng San Miguel Beer bunsod ng nakolekta nitong 30.3 SPs.
Pasok sa Top 10 sina No. 6 Don Trollano ng NLEX (29.09), Arvin Tolentino ng NorthPort (29.08), Javee Mocon ng Phoenix Super LPG (28.6), Christian Standhardinger ng Ginebra (27.9) at Jeron Teng ng Converge (27.8).
Para naman sa Best Import award, nangingibabaw si Earl Clark ng NLEX taglay ang 56.0 SPs.
Kasunod nito si Quincy Miller ng Converge (55.3 SPs) at naturalized prospect at two-time Best Import awardee Justin Brownlee ng Gin Kings (52.4 SPs).
- Latest
