UE matinding hamon ang ibibigay sa UP
MANILA, Philippines — Target ng nagdedepensang University of the Philippines ang kanilang ikalawang dikit na panalo, habang asam ng National University ang ikaapat na sunod nilang ratsada sa UAAP Season 85 men’s basketball tournament.
Makakatapat ng Fighting Maroons (4-1) ang UE Red Warriors (3-2) ngayong alas-4:30 ng hapon at makikpagtuos ang Bulldogs (4-1) sa La Salle Green Archers (3-2) sa alas-11 ng umaga sa MOA Arena sa Pasay City.
Sa ala-1 ng hapon ay maglalaban ang Ateneo Blue Eagles (3-2) at Adamson Falcons (2-3) at sa alas-6:30 ng gabi ang bakbakan ng UST Growling Tigers (1-4) at FEU Tamaraws (0-4).
Nagmula ang UP sa 76-71 overtime win sa Ateneo tampok ang pagbibida ni Carl Tamayo at ang pagbabalik sa aksyon ni guard JD Cagulangan.
Nagkaroon si Cagulangan ng hamstring njury kaya si Terrence Fornea ang ginamit ni coach Goldwin Monteverde sa nakaraang apat na laro ng Fighting Maroons.
“Si Terrence kasi, nag-aaral pa talaga siyang maging point guard. Lagi naman niyang sinasabi sa akin, naghihingi siya ng advice,” ani Monteverde.
Kung mulng mananalo ang UP at NU ay patuloy silang magsososyo sa liderato.
Itinakas ng Bulldogs ang 58-54 panalo sa Falcons at pinatumba Green Archers ang Tamaraws, 87-70.
“They’re another strong team that we have to prepare for, we have to be ready,” ani NU mentor Jeff Napa sa pagharap nila sa La Salle.
- Latest