Philippines BEST naka-24 golds na sa PSI meet

MANILA, Philippines — Hindi mapigilan ang Phi­lippines BEST (Behrouz Elite Swimming Team) ma­tapos itaas sa 24 gintong me­dalya ang nakolekta ma­tapos ang third day ng PSI Grand Prix National Fi­nals na ginaganap sa New Clark City swimming pool sa Capas, Tarlac.

Ayaw paawat ni Brent International School stand­out Micaela Jasmine Mojdeh na sumisid pa ng da­la­wang gintong medalya ka­­­bilang ang kanyang pa­boritong 200-meter butter­fly sa bilis na dalawang mi­nuto at 20.40 segundo.

Namayagpag pa ang World Junior Championships semifinalist sa 400m individual medley matapos magrehistro ng 5:15.85.

Nagbulsa pa si Peter Dean ng dalawang ginto sa 100m backstroke at 400m IM, habang humirit rin ng gintong medalya sina Jules Mirandilla, John Neil Pa­deres at Coby Rivilla sa ka­nilang mga age groups.

Nanguna si Mirandilla sa 200m butterfly bunsod ng naitalang 2:09.24. habang pinagharian ni Pa­deres ang 100m backstroke tangan ang 1:00.20, at namayagpag si Rivilla sa 200m butterfly.

May pilak naman sina Yu­go Cabana (200m but­ter­fly), Marcus Johannes De Kam (50m freestyle) at nakatanso sina Zahjeed Sarmiento (200m butterfly), Ivan Radovan (2oom butterfly), Achi Alterado (200m butterfly) at Julian De Kam (100m backstroke).

Sa kabuuan ay may 24 ginto, 14 pilak at 17 tanso na ang Philippines BEST sa torneong inorganisa ng Philippine Swimming In­corporated (PSI).

“We have a lot of con­­ten­ders in our team for the SEA Age-Group Cham­pion­ships. We have no­mi­nated 20 swimmers to be part of the Junior National team. We hope that all of them will be able to make it to the national team,” sabi ni Philippines BEST team manager Joan Mojdeh.

Ang mga mapipiling swimmers na may magandang rekord sa Grand Prix National Finals ay ipada­dala ng PSI sa SEA Age-Group Championships na gaganapin sa Kuala Lumpur, Malaysia sa Dis­yembre.

Nangunguna na sa mga posibleng makasama si Micaela Jasmine na beterano na ng mga in­ternational competitions.