Cool Smashers biyaheng Finals
MANILA, Philippines — Awtomatikong umusad sa finals ang Open Conference champion Creamline sa Premier Volleyball League (PVL) Invitational Conference dahil sa quotient system.
Hawak ng Cool Smashers ang 3-0 baraha kung saan kahit ano pa man ang mangyari sa dalawang huling laro nito sa round robin semifinals ay hindi na ito makakaapekto sa kanila.
Kabilang dito ang laban ng Cool Smashers kontra sa King Whale Taipei bukas sa The Arena sa San Juan City.
Sa kabila ng pasok na sa finals, ibubuhos pa rin ng Creamline ang lahat upang maging magandang paghahanda para sa laban nito sa finals.
Handa ang Cool Smashers sinuman ang makaharap nito sa finals.
“Whichever team we’d be facing in the finals, we’re excited. “PLDT and Kingwhale have different systems. Though we beat PLDT in the semis, it was a struggle and I know they will be extra motivated if they get to the final,” ani Creamline coach Sherwin Meneses
Nais muna ni Meneses na isentro ang atensiyon ng kanyang bataan kontra sa King Whale.
Kaya naman inihahanda na nito ang kanyang solidong tropa sa pangunguna ni Invitational Conference leading scorer Tots Carlos kasama sina team captain Alyssa Valdez at outside hitter Jema Galanza.
Nariyan pa sina playmaker Jia de Guzman, Celine Domingo, Michelle Gumabao, Pangs Panaga, Risa Sato at defenders Kyle Atienza at Ella de Jesus.
“We’ll be facing Kingwhale tomorrow and they are very exciting. But it will all depend on our team what kind of game we’d play since it’s a winner-take-all final,” ani Meneses.
Ang local team na may pinakamataas na puwesto sa pagtatapos ng PVL Invitational Conference ang magiging kinatawan ng Pilipinas sa Asian Volleyball Confederation (AVC) Championship for Women na magsisimula sa Agosto 21 sa Philsports Arena sa Pasig.
- Latest
