SHAABAA chairman kampiyon nga CEO sa Cebu Ironman
CEBU, Philippines — Ang Sugbuanong negosyante ug multi-sport enthusiast nga si Afshin Ghassemi usa sa mga mihimo og kasikas sa Megaworld Ironman 70.3 Philippines ning bag-ohay pa lamang didto sa Mactan Newtown sa dakbayan sa Lapu-Lapu City.
Si Ghassemi, ang presidente ug Chief Executive Officer sa Core Pacific Money Exchange Corporation nga dunay kapin sa 250 ka mga sanga lukop na nasud, gibati og tumang garbo human siya mitabok sa finish line ilabi na kay siya maoy nakadaog sa unang dapit sa male category.
Ang kasamtangang tsirman sa Sacred Heart Ateneo Alumni Basketball Athletic Association (SHAABAA) mikumpleto sa makutas nga lumba nga naglangkob og 1.9-kilometer swim, 90km bike, ug 21k run sud sa unom ka oras, 18 minutos ug 16 segundos.
"The feeling was overwhelming. I know I made a lot of people proud especially those who supported me throughout the journey," matud pa ni Ghassemi nga gihatagan ang iyang kaugalingon og advance birthday gift kay mag-39 anyos naman siya sud ning bulana.
Si Ghassemi, nga mao sab ang Strategic Alliance Partnership Chairman sa EO Philippines South ug Vice President (VP)-Internal sa Sacred Heart-Ateneo de Cebu Alumni Association, mihulagway sa Ironman nga usa ka maayong sumbanan sa kinabuhi.
"Ironman is a good metaphor for life. You have to have discipline, dedication and hardwork to succeed. It teaches you to be patient while at the same time competitive. It trains your mind that success needs preparation and that you don't achieve it overnight. It reminds you that you should always know where you are going. Finally, it teaches you that after all the sacrifices, you will reach the finish line and it would be all worth it," dason pa ni Ghassemi.
- Latest
