France babanderahan ang VNL Week 2 ng men’s division
MANILA, Philippines — Pamumunuan ng Tokyo Olympics gold medalist na France ang pagsalang ng pito pang mga world-class men’s volleyball teams sa Week 2 ng Volleyball Nations League ngayon sa Smart Araneta Coliseum.
Magtutuos ang Slovenia at Netherlands sa alas-3 ng hapon kasunod ang upakan ng Argentina at Japan sa alas-7 ng gabi.
Nauna nang natapos ang Week 2 ng women’s division tampok ang pag-sweep ng mga Japanese at Americans para manatili sa first at second spot, ayon sa pagkakasunod.
Sa men’s class ay humataw ang Japan ng 10 points para sa No. 2 place sa ilalim ng US (11 points, 4-0) makaraang magtala ng 3-1 record sa Week 1 sa Brasilia, Brazil.
Sa Week 1 ay tinalo ng Japan ang Netherlands, 22-25, 26-24, 25-22, 25-17, China, 21-25, 25-19, 25-19, 25-18, at ang 2018 Asian Games gold medalist na Iran, 25-20, 25-14, 25-19.
Natalo lamang sila sa mga Americans, 17-25, 25-15, 25-21, 26-28, 15-9.
Ang iba pang sasalang sa aksyon sa torneong inihahandog ng PLDT katuwang ang The STAR, Quezon City Mayor Joy Belmonte, Maynilad, PSC at POC ay ang Italy, China at Germany.
- Latest