Duterte mopasidungog sa mga Pinoy'ng atleta
CEBU, Philippines — Tungod sa paghatag nila og garbo ug dungog sa nasud sa 31st Southeast Asian (SEA) Games didto sa Hanoi, Vietnam, ang tanang 400 ka medalists pasidunggan mismo ni Presidente Rodrigo Duterte pinaagi sa usa ka courtesy call karong Martes didto sa Malacanang.
Gipaabot nga motambong sa seremonyas nga magsugod sa alas-6 sa gabii ang mga nasudnong atleta nga mikabkab og 52 ka gold, 70 ka silver, ug 105 ka bronze medals kauban ang ilang mga coaches ug usa ka opisyal matag NSA.
Og dunay tsansa nga ang ilang insentibo, nga miabot og P32.4 million, mahatag na nianang higayona.
Sigun sa balaod, ang SEA Games gold nagkantidad og P300,000, ang silver P150,000 ug ang bronze P60,000.
Wala pa kini labot sa dugang bonus nga posibleng ihatag ni Duterte sama sa iyang gibuhat sa miagi.
- Latest
