Mojdeh hahataw sa Paris meet
MANILA, Philippines — Aarangkada na ang Philippines BEST-Swim League Philippines sa 10th Circle of Swimmers of Melun Val de Seine na gaganapin sa Piscine de Melun swimming pool sa Melun, France.
Sisimulan ni Philippine national junior record holder Micaela Jasmine Mojdeh ng Brent International School ang kampanya ng Pilipinas.
Sasalang si Mojdeh sa women’s 400m individual medley kung saan makakasagupa nito si Melanie Lenoir — ang top junior swimmer ng France na sumabak na sa World Junior Championships at Youth Olympic Games.
“We are looking forward to see Jasmine in action as she goes head to head with Melanie Lenoir, a French Junior Elite Swimmer who also specializes in IM Breast stroke and butterfly,” ani Philippines BEST-SLP team manager Joan Mojdeh.
Maliban sa 200m IM, sasabak din si Mojdeh sa 200m butterfly kung saan hawak nito ang top seeding sa torneong lalahukan din ng mga pambato ng Amerika, Canada, Switzerland at Saudi Arabia.
Malamig ang panahon sa Melun — ang kalapit lungsod ng Paris na siyang venue ng kumpetisyon — subalit hindi naman nababahala ang Pinoy squad dahil handa ang mga ito na gawin ang lahat upang makipagsabayan sa matitikas na tankers sa torneo.
- Latest
