Pangalan ni EJ nilinis ng COA
MANILA, Philippines — Ngayon ay maaari nang mag-focus si national pole vaulter Ernest John Obiena sa pagtarget sa ikalawang sunod na gold medal sa 31st Southeast Asian Games sa Hanoi, Vietnam sa Mayo.
Binigyan na kasi siya ng Commission on Audit (COA) Credit Notice na naglilinis sa pangalan niya ukol sa liquidation issues na naunang ibinato sa kanya ng Philippine Athletics Track and Field Association (PATAFA).
“5-months long of events have finally come to a close. The liquidation of all my funds have been cleared by the PSC (Philippine Sports Commission) with the attached Credit Notice from COA (Commission on AUDIT). All related expenditures are in order and there are no Notice of Suspension nor Notice of Disallowance,” ani Obiena.
Sinabi ng PATAFA na nagsumite ang World No. 5 pole vaulter ng dinoktor na liquidation documents ukol sa coaching fee ni Ukrainian trainer Vitaly Petrov.
“We now have closure. I would like to be back and focus on training and competing for the country with my teammates in PATAFA and its officials,” wika ng 6-foot-2 na si Obiena.
Bago bigyan ng COA ng Credit Notice si Obiena ay naplantsa na ni PSC chairman William ‘Butch’ Ramirez ang mediation nila ni PATAFA president Philip Ella Juico noong Marso 30.
Binigyan ang 26-anyos na Tokyo Olympian ng PATAFA ng endorsement para makalahok sa world outdoor championships.
- Latest
